Vinnivinnivinn

Jæja þá er ég komin með vinnu, að vísu bara í munnlegu samþykki svo konan gæti víst enn skipt um skoðun en við skulum vona að hún geri það ekki.
Þetta er ekki nema 20-25% vinna svo þetta er ekkert að fara að drepa mig og þetta er skólaprógram fyrir börn á einhverfu salanum, helst Aspergers svo þau tala alveg og geta farið á klósettið sjálf svo ég útskýri á mjög einfaldaðan hátt. Ég á eftir að gera art, music og dance/movement therapy með þeim svo ég fæ líka innsýn inní aðrar creative arts therapies, (nenni ekki að þýða). Ég byrja svo í kringum miðjan september og get vonandi fundið mér annað starf á móti sem barnapía en það er svona líka vel borgað hér í NY, borg súpermillana.
Kyle er á fullu í eðlisfræði og tölvunnarfræði svo ég nenni ekki að ræða hans skólamál þar sem mér finnst svoleiðis hlutir mínus spennandi.

Annars hlakka ég bara til haustsins ekki meiri hiti og raki og ógeð, get farið að vera í síðerma og síðskálma og hlíft fólki við lærunum og upphandleggjunum á mér hahaa. Svo eru svo gasalega margir ættingjar á leiðinni sem verður líka svaka gaman.

Já haust og kuldi og myrkur, vinna og ættingjar ég fagna því öllu!

Jaaaarrrðð skjáffttiiiii

ÉG sat í sófanum með Kyle og hélt að hann væri að hrista sófan, en svo var ekki. Keðjan á hurðinni sveiflaðist fram og til baka og við fundum allt húsið hristast, við vissum ekkert hvað var að gerast, en það fyrsta sem ég hugsaði var jarðsjálfti....en í New York??? Allavegna þá er það víst möguleiki...greinilegaa. Þetta var mjög flippað
Allir eru að pissa á sig og þetta er á öllum frétta stöðvum, búið að loka JFK og NEwark, held að Pentagon hafi verið rýmt.

Uppgjörningur

Ég pússaði, málaði hamraði og lakkaði svo þetta borð, ég er bara nokkuð stolt því það var frekar subbulegt þegar ég keypti það á tvöþúsundkall.

Að Vinna eða Ekki Vinna

Í gær fór ég í annað skiptið í The Rebecca school að vinna með einhverfum krökkum í prógrami sem líður undir lok eftir 2 vikur. Þetta er 2 og hálfs tíma vinna á föstudögum og maður fylgir einu barni eftir allann daginn og hjálpar því að taka þátt í hverju fyrir sig, List,dans, trommum og leikfimi. Þetta er ágætlega borgað fyrir svona stuttan tíma en náttúrlega ekki til frambúðar. Konan sem rekur þetta er samt sem áður afar ánægð með mig og hefur lýst ánægju sinni yfir mjög skýrt svo það er bara að sjá til hvað setur með framhaldið því hún er víst að reyna að plana eitthvað í sumar til að ráða alla áfram yfir sumartímann.
Ég veit ekki með leiksólann sem ég fór í viðtal hjá því það viðtal var afar furðulegt. Ég kom þar og settist inn á bekkin þar sem krakkarnir hengja greinilega upp fötin sín og settist við hliðina á 3 hvítum ungum vingjarnlegum konum. Ég heyrði svo að það var kona að tala við aðra stúlku í opna ríminu fyrir framan, jú þá var kellingin að taka viðtal við liðið bara í röð og allir heyrðu hvað sá sem var í viðtali sagði. Mega óþægilegt, maður heyrði sumsé hvað hún spurði og hvað hún sagði og hvað atvinnusækjandinn svaraði og spurði. Þetta var mjög kvíðavekjandi svo lítið sé sagt. Svo héldu píurnar áfram að streima inn hver á fætur annarri, það komu svona 9 stelpur inn í heildina. Að vísu heyrði ég kelluna segja að 200 manns hefðu sent umsóknir og bara 20 fengið viðtal.
Þegar gálgaröðin kom að mér spurði hún mig strax beint út, so why dont you just want to be an art therapist? hummm sagði ég og útskýrði að börnin sem ég hafði unnið með áður hefðu verið mjög veik og tekið mjög á svo að heilbrigð börn hljómuðu mjög vel. Nú veit ég ekki hvort hún var ánægð með þetta svar. Þessi kella var frekar mikil bredda og hávær og ég fékk pínu á tilfinninguna að hún vildi alltaf ráða 100% öllu sem hún væri að gera. Þannig ég veit ekki alveg með þaaað starf maður þarf bara að halda áfram að senda og senda og senda umsóknir út. Rembast eins og rjúpan það eina leiðin til að fá eitthvað til að gerast, svo mikið er víst.

Annars hefur veðrið verið að gera mér lífið leitt 30-38 stiga hiti og sól. Það er mjög erfitt að vera hress og á fullu í þannig hita ég verð nú bara að viðurkenna. Loftkælining okkar sem er ný komin hefur verið sem himnasending þrátt fyrir byrjunaröðrugleika (fyrsta sem var send var útúrsmölluð aftan á svo við þurftum að senda hana tilbaka). Ég veit í alvöruni ekki hvernig fólk gat lifað án þess að hafa loftkælingu í gamla daga. Að vísu er sagt að köldustu sumrin núna eru heitari en þau heitustu í gamladaga gróðurhúsaáhrifin!!!!

Jæja það er allavega lifanlegra nú og rigning svo ég þarf ekki að fara að vökva tréið sem ég ætleiddi í hverfinu.
GLeðilegt suuuuuummaaaaaarr

Ógeð

Það brann niður heil húsaröð ofar í götuni

Um miðja nótt kviknaði í þvottahúsi hér ofar í götuni, allar íbúðirnar fyrir ofan brunnu niður og það voru slökkviliðsmenn og löggur útum allt í hverfinu í dag. Það var víst ekki svefnfriður fyrir sírenum og þyrlum en ég og Kyle sváfum á okkar græna. Við fórum á einhvern mega ellimanna veitingastað sem heitir Junior´s aðfaranótt brunans og vorum í matarkóma það er allavega tilgátan mín.

Ýtið á fyrirsögninga hún er hlekkur!

Myndir úr grasagarðinum

Inngangurinn


blómaklósup


Ég sjálf.




Fólk alveg sjúkt í að taka myndir af rósunum

Alveg brjálað


Svo ég tók líka mynd af rós


Japanski garðurinn



Einn gamall og vel girtur á því í lokin jú og svo líka....KYLE


Þreyttur að læra undir próf

Sumarfullswing

Sumarið er komið og kuldinn farinn sést ekki meir þar til í október geri ég ráð fyrir. Þar sem ég sit og skrifa þessi orð er hitinn 32 gráður og sól. Ég verð að viðurkenna að ég er ekki beinlínis uppá mitt besta í svona hita og verð frekar fýld þegar þetta gerist. Annars er ég búin að gerast proactive með að kaupa gasalega fína loftkælingu af fínustu sort stafræn og fjarstýrð og allt. Það mun mikil gleði ríkja hér þegar hún kemur. Við brunnum nefnilega í garðinum í gær þrátt fyrir mikinn sólaráburð. Ristarnar á Kyle eru eins og jarðaber á litinn hann hélt nefnilega að hann myndi ekkert brenna því hann er svo vanur sólini að eigin sögn. Það var fyrir mikla mildi að ég fékk að bera þau svæði sem sólin sér, (andlitið,hálsin á honum, og framhandleggirnir)... en ristarnar gleymdust og því eru þær sem áður sagði skærrauðar.

Atvinnuleitin heldur áfram og ég er komin með viðtal á leikskóla í Brooklyn. Þetta er frammúrskarandi leikskóli með jóga, tónlistar, leiklistar og myndlistartíma. Það eru 5 nemendur á kennara og hver nemandi borgar 461$ fyrir fulla viku, þið megið reikna hvað leikskólinn græðir þá per krakkahóp.Ég er að vona að launin séu þá í samræmi við það sem þau eru að rukka foreldrana þ.e.a.s. ef ég fæ þá vinnuna. Þetta er náttúrulega ekki art therapy en það er svosem aldrei að vita hvað ég fæ að gera ef ég er ráðin. Ég sótti líka um í einhverri uuber fínni fatabúð sem selur Comme des carcon og fleiri fín merki. Ég veit ekki hvað ég var að pæla að sækja um þarna. Kyle sagði að einvher Cruella deVille myndi bara láta mig grenja. Sennilega er það satt og ef einhver er að fara að græta mig þá vil ég frekar að það séu tilfinningalega trufluð börn frekar en Cruella deVille. Hér: http://shopbird.com/home.php?cat=518
er hægt að skoða starfsmanna úrvalið. Sem dæmi á ég mér ekki uppáhalds Spring Collection og myndi ekki einusinni vita hvað ég ætti að segja,uuu..H&M I like them yes...
Allavega þá krossa ég bara fingur um að fá þessa vinnu því það væri ágætt að fá launaávísun um hver mánaðarmót.

Atvinnuleit

Það er svosem ekki mikið að frétta, en vegna MIKILS þrýstings frá aðdáendum neyðist ég til að skrifa...djók!
Jæja að öllu gamni slepptu þá er ég bara í atvinnuleit, ég var u.þ.b. mánuð að gera sæmilega ferilskrá sem Gloria las svo yfir og breytti fullt þrátt fyrir mitt besta.
Ég sendi fyrstu umsóknina út í fyrradag og í dag heldur gamanið áfram. Ég verð að segja að það er ekki eins skemmtilegt að leita að vinnu og fólk lætur uppi, það er reyndar ógeðslega leiðinlegt og ég er bara búin að vera í skotgröfunum í nokkra daga. Það krefst hver einasta staða hér í einhverskonar leyfis sem ég hef greinilega ekki, svo vill fólk náttúrulega ráða manneskjur með mikla reynslu sem...já ég hef ekki svo mikið af.

Ég er náttúrulega bjartsýnin uppmáluð samt sem áður sé mig fyrir mér gangandi um götur borgarinnar vel launuð og hamingjusöm í frábæru starfi. Maður verður sko að hugsa jákvætt the power of positive thinking !.

Vorið hér er annars í fullu blússi, kirsuberjatré og jasmíntré með bleikum og hvítum blómum kvelja mig með ljúfri angan sinni en ég hnerra bara. Hitastigið er ennþá bærilegt og ekki er ennþá orðið nauðsynlegt að koma loftkælingardrusluni á sinn stað, greyið ég held að við þurfum bara að gefa henni frí og kaupa nýja. Það á víst að verða met heitt sumar, en hver getur svosem sagt til um það, tjaa maður spyr sig.

Jæja ég ætla að halda áfram að senda ferilskránna út og glápa á hipstera spóka sig hér í sólinni dúllast og krúttast saman.

Písát